انا مو متل الغير

حابه اشكيلكم همي ومع انه عارفه انه ما حدا رح يدخل المنتدى اليوم لانه اليوم اول يوم العيد بس حبيت فضفض عن قلبي شوي واكيد اللى رح احكيلكم ياه ما بقدر احكيه لاي حدا شخصيا لانه رح زعله لانه مارح يقدر يعملي شي كل الناس بتستنى العيد الا انا كل الناس بتفرح فيه الا انا كل الناس بتضحك بالعيد الا انا ببكي كل عيد

كلكم مجرد ما يجي العيد بتروحوا لعند قرايبينكم او بيت جدكم او اي حدا بتعيدو عندو يعني بتصيروا جماعه

بس نحن الناس بتجي لعنا ما بنروح لانه ما عنا بيت جد ولا بيت عم ولا حدا كل عيد انا اخواتي بنقعد بنبكب بالسر بنضحك من برا بس كتير حزينين من جوا خصوصا انا لو قلكم اني حاسه بالعيد بكون كذابه ومنافقه والله ما ني حاسه بشي لبدا حاسه متله متل اي يوم تاني صح بفرح لما بيجينا حدا بس كمان بنقضي الوقت كلو بالمطبخ على شاي وقهوه وعصير وما بعرف شو

حابه افرح متلي متل غيري بس ما عم اقدر بتذكر لما كنت صغيره كان في عنا ولاد عم هون ببنغازي هنن وعائلتن كل عيد يجوا لانو بيت عمن هون اللى هو بيتنا ونلتم بس بعدين صاروا يرجعوا على سوريا امبارح لما كان عيد بسوريا ضليت قاعده لساعه 8 عم اتفرج على الناس وعو اتخيل اهلي بسوريا شو عم يعملوا يا تري متل كل السنين عم يعيدوا على بعض ولا بالمظاهرات لهيك انا دايما بقول انه انشالله اذا الله كتبلي نصيب وتزوجت مارح اخد سوري لانه اكيد رح يكون متلي كل اهله بسوريا يا اما انارح ابعد اهلي وروح على سوريا بما انه نحن مقيمين هون يا اما ولادي رح ينظلموه فلهيك بتمنى اخد ليبيبي لحتى ولادي يعيشوا اللى انا ما عشته بابا وماما مو حارمينا من شي ابدا بس اتطروا انن يحرمونا من العيله مشان مستقبلنا انا كتير حزينه وبحزن اكتر لما بحكي مع رفقاتي وكل وحده بيكونها عن بيت جدها وعندها هرجه ودوشه بزعل كتير بس ربي يهنيكم ويكمل الفرحه عليكم
والمشكله انه نحن الاولاد اللى ما بدنا نروح لهونيك لانه عارفين ما لنا مستقبل
ول ما هالنظام عنا
اسفه طولت عليكم بس عنجد بعد ما حكيت كل شي بقلبي تريحت شوي وكل عام وانتو بخير

الحنين للوطن صعب جدا
ماتزعلي اختي الكريمه لانو لو ماعندك اولاد عم هنا في نحنا الي خوتك وخواتك و بس اولاد عمك وبحب اقولك انا كمان ما بعيد عخلاتي واعمامي لان بناتهم كبار وبستحي ادخل عبيتهم وبضل عالنترنت 24 ساعه

يالله منونس بعض

حاضر انا قاعد معاك بالمنتدى لليل

ههههه بس انا خايفه تمل وتتركني لوحدي بعدين

لالا

فطووووووووووووووووم لا تشكيلي ابكيلك لا تزعلي حتى انا حاسة انو هاد العيد مو متل كل عيد ما الو نكهة (استغفر الله العظيم ) وبعدين اانا والمطبخ صرنا صحبة لانو ما بطلع منو بشكيلوا وبشكيلي انسي وبكراااااااااااااااااا ان شالله احلى

وانا والانترنت صحبه لي 24 ساعه هههههه

كل حدا فينا عندو همه اللى بيكفيه

حبيبتى ولا تزعلى حتى انا بكيت اول وثانى يوم العيد زيك ومش لانك مش فى بلدك يعنى انتى وحيدة انا ليبية بس يمر العيد وانا بتمنى ان الباب يطق ويمر العيد وكانة كارثة بس فى النهاية الواحد يقول الحمد للة اهم شى الاب واالام والاخوان موجودين يعنى العيد حلو ربى يعين الاهالى يلى فقدوا احبابهم ويلى عيدوا من دونهم لما الانسان يشوف مصائب غيرة اتهون علية مصيبتة

اكيد اختى الحمدالله على كل حال واكيد اللى بيشوف مصيبة غيرو بتهون عليه مصيبته
بس نيال الشباب حتى لو ملو شوي بيطلعوا حتى قدام الباب مع ولاد الجيران بيغيروا جو اما نحن لما بدنا نطلع مشوار منقدم طلب قبل بكتير ومنروح بس يالله نكمل الساعه طبعا لو انقبل الطلب

وبالنسبه للمطبخ في بنات عندن صديقين وناس عندن تلاته نحن عنا البيت المطبخ النت

وفي بنات عندن البيت والمطبخ فالحمدالله انه منغير جو على الانترنت

حبيبتي لا تزعلى ان شاء الله العيد الجاي بتعيدو مع اهلكون بسوريا وبيكون احلا عيد بدون بشار

أنا العيد الجي راح عيد بتركيا نحكي بجد

اكيد غير شكل مع الشاي والقهوه وبالمره مشان نطلع مشوار خلينا نكب الشاي الساخن علينا بلكي بنطلع مشوار ومنطول شوي